Колку пати во текот на денот, додека сте заглавени со работа, низ главата ви поминува: “Како му е на моето дете во градинка, што прави сега?“ И конечно поминуваат тие осум работни часа и брзате кон градинка. Едвај сте дочекале да го гушнете своето дете и потоа следи кус разговор.
-Како ти беше, како помина
-Добро!
-А… Што правеше денес?
-Си играв
-Што си играше?
-Се…
Познат ви е ваквиот разговор? Можеби имате молчаливо и повелечно дете или детето е уморно и не е волно да ви ги раскаже неговите случувања. Можеби му е тешко да се изрази. Или размислува дека нештата кои нему му се интересни не се исто интересни и за вам, па со тоа и не се вредни да ви ги каже. А можеби проблемот е и во самото прашање?
Поттикнете го детето да зборува како го поминало денот во градинка со малку поинакви прашања.
Воспитувачката Кристина Калиман открива 20 прашања што можете да му ги поставите на детето и да биде горе-долу сигурни дека ќе поттикнете љубопитност и подготвеност на комуникација и споделувања искуства:
- Како би го оценил својот ден во градинка на скала од 1 до 5? Зошто?
- Што ручаше денес? Што би направил ако за јадење би добиле похуван крокодил или салата од полжави?
- Видов дека денес на Ана и беше роденден. Како го прославивте?
- Наброј три предмети кои постојат во твојата училница, а почнуваат на буквата К!
- Што те насмеа денес?
- Дали денес некој се растажи? Поради што? Што направи ти да му помогнеш? А другите?
- Дали некој денес се караше? Како се реши ситуацијата?
- Што попрво би правел во градинка, да редиш сложувалка или да играш на весела музика? Зошто?
- Која приказна најмногу ја сакаш? Зошто?
- Што би сакал да правиш во градина, а во моментов не можеш или не смееш?
- Кога би можел да имаш некоја супермоќ, која би ја одбрал, а да ти е корисна во градинка?
- Играш со пријателите во сворот. Ти приоѓа непознато лице кое ви нуди бомбони. Што би направил?
- Кој во групата ти е најдобар пријател? А пријателка? Зошто? Што со нив сакаш најмногу да си играш?
- Кога утре би ја земал својата најдрага играчка во градинка, на кого би му ја позајмил? Има некој кому не би ја дал воопшто?
- Пријател слави роденеден и ќе му подарите цртежи? Што би му нацртал и во која боја?
- Наброј ми двајца пријатели чии имиња почнуваат на иста буква како и твојата!
- Наброј пет другарчиња кои имаат кафена коса!
- Кој денес носеше облека во црвена/сина/розова боја?
- Што би направил кој на твоето другарче некој би ја земал играчката?
- Кога ти утре би бил воспитувач, што би правеле децата и што би си играле?
- Дали денес слушавте некоја приказна? Раскажи ми ја!
