Децата кои имаат навика да прескокнуваат оброци, имаат зголемен внес на протеини, повеќе масно ткиво во телото и поголем ризик од развој на дијабетес и кардиоваскуларни болести. За ризикот за појава на споменатите болести допринесува и неконтролираното прехранбено однесување, брзото јадење и емоционалното прејадување, покажале резултатите од истражувањето спроведено во Финска, во кое учествувале деца на возраст од шест до осум години.
Истражувањето ги испитувало прехранбените навики на децата и други прехранбени ифактори кои може да влијаат на зголемување на уделот на масно ткиво и кардиометаболичкиот ризик.
Резултатите покажале дека половина од децата секојдневно прескокнуваат барем еден од трите оброци. Меѓуоброците се состоеле од прости шеќери и високо калорични намирници, а внесот на шеќери, заситени масти и сол, бил поголем од препорачаниот.
За да се обезбеди постојано снабдување со “гориво“ на детето треба секој ден да му се послужат три главни оброци и два лесни меѓуоброка и исклушително е важно да се распоредат во текот на денот, потенцираат стручњаците. Со правилниот распоред на телото му се обезбедува континуирана енергија потребна за одржување на вниманието и концентрацијара, но и за извршување на бројни задачи со кои детето се соочува во текот на денот.
Прескокнувањето на оброци неретко доведува до голем пад на нивото на шеќер во крвта кој е неопходен за правилно функционирање на организмот и генерално влијае на влошена нутритивна и здравствена состојба кај најмладите.
Претходни студии прескокнувањето на појадокот го поврзаа со зголемениот ризик од прекумерна телесна тежина кај децата.
