Повеќето родители ментално се подготвени на тоа дека навечер ќе мораат да стануваат поради своите бебиња. Но, расте бројот и на родители кои исто така стануваат навечер поради своето нешто поголемо дете, на возраст од градинка и им помагаат повторно да заспијат.
Можеби некој ќе се обиде да ве увери дека не треба тоа да го правите и дека децата на таа возраст и сами можат да заспијат. Стручњаците сепак велат дека не правите ништо лошо. Што всушност треба да знаете за ноќното будење?
- И возрасните се борат со сонот, особено кога никако не успеваат да го смират телото и умот. Сепак, таквото непријатно искуство можат да го филтрираат низ мозокот, а имаат и независност да ја решат ситуацијата како сакаат. Децата сепак се уште минуваат низ физички и ментален раст, така што им е потребна наша помош за да воспостават или одржат мирен сон.
- Децата и во текот на втората година и натаму може да имаат проблеми со забите – катници, односно со нивно избивање, и тоа еден по еден. Првите два катника (горните) обично избиваат помеѓу 13 и 19 месец, додека долните главно избиваат на возраст од 14 до 18 месеци. Вторите горни катници избиваат помеѓу 25 и 33 месец, а вторите долни помеѓу 23 и 32 месец.
Во втората година од животот, децата нешто повеќе време минуваат одвоени од своите родители од претходно. Како и секое мало дете, по тоа раздвојување, тие имаат интензивна потреба да се поврзат со саканата личност. А тоа поврзување често значи и контакт во ноќните часови. Не се работи за нешто што треба да го обесхрабрите, а ако успеете себе си да се убедите дека не станува збор за желба, туку за потреба на детето, можеби полесно ќе ја поднесете таа мала ноќна пречка.
