За возрасните тоа е мала работа, но за децата, изгребано колено е крај на светот. Факт е дека тоа боли. И во тој случај најчесо помага само едно: смирете го детето, и утешете го дека се ќе биде во ред. Потоа, убаво погледнете ја повредата. Ако детето паднало на бетон, асфалт или покрупен песок и камења, со нечистотијата може предизвикувачи на болеста да навлезат во кожата и таа ќе се воспали. Сепак, помали рани може и сами да ги санирате:
- Исчистете го повреденото место со некое средство за дезинфекција, најдобро купено од аптека.
- Ако раната е извалкана, измијте ја со чиста, ладна проточна вода. Потоа со стерилна газа истапкајте ја раната.
- Раната покријте ја со фластер. Освен што детските фластери имаат весели мотиви, тие овозможуваат раната да дише и да зарасне. За два до три дена проблемот ќе биде заборавен.
Кога на лекар?
Лекарска помош треба да побарате ако раната е многу извалкана и ако се отворени места на неа поголеми од две монети, како и кога во раната ќе се најдат некои туѓи тела. Кога станува збор за бебе, и при помали повреди, најдобро е да се консултирате со лекар.
