Децата од предучилишна возраст кои дневно минуваат повеќе од два часа на “паметен“ телефон, таблет или лаптоп имаат за седум оати поголема шанса да развијат некој облик на лошо однесување, сметаат научниците кои го проучувале однесувањето на деца од 2.400 семејства.
Времето кое децата до пет години го минуваат на уредите на модерната технологија треба да се ограничи на половина час дневно, па дури и помалку. Наместо гледање или играње на мобилните телефони и останати уреди, децата треба да престојуваат во природа, да се занимаваат со спорт и да се дружат со врсници. Иако некои игри може да бидат корисни за имагинацијата и креативноста кај децата, постојат и агресивни кои негативно влијаат на развојот на најмладите.
На родителите им се советува со децата да разговараат за содржините кои секојдневно ги гледаат и да ги насочат на игри кои поттикнуваат размислување, како што се разни сложувалки и оние кои развоваат различни вештини кај нив.
