Британско истражување покажало дека кај децата кои редовно го прескокнуваат појадокот може да се забележи недостаток на есенцијални хранливи материи како што се железо, калциум, јод и фолати, во однос на децата кои појадуваат секој ден.
Се смета дека овие резултати укажуваат на тоа дека појадокот може да игра важна улога во обезбедувањето на клучни микронутриенти за детето.
Иако постарите деца (од 11 до 18 години) имале поголема веројатност дека ќе го прескокнат појадокот, дневниот недостаток на хранливи материи бил поголем кај помалите деца (4 до 10 години) кои го прескокнувале утринскиот оброк.
Исто така, се покажало дека децата кои го прескокнувале појадокот не го надоместиле појадокот со зголемен внес на калории подоцна во текот на денот.
Затоа може да биде особено важно да се осигура дека оваа помлада возрасна група јаде здрав појадок, без разлика дали дома или во градинка или училиште.
Извор: British Journal of Nutrition
