Тим на истражувачи од Јапонија открил дека изложеноста на мачки и кучиња додека детето е во утробата или е старо само неколку месеци е поврзано со 14 отсто помал ризик од алергии подоцна во животот.
Алергиите на храна се во пораст во последните неколку децении. Се јавува поради неповолен имунолошки одговор при изложување на одреден вид храна. Алергиската реакција го вклучува имуниот систем кој ги напаѓа протеините од храна кои инаку се безопасни и може да доведат до анафилакса во тешки случаи.
Идејата дека изложеноста на домашни миленици е ефикасна за спречување на алергиски болести се сугерира веќе некое време. Истражувањата за идејата дека ултра чистите средини всушност не обезбедуваат доволно изложеност на бактериите потребни за да се подготват нашите имунолошки системи за да се борат против инфекциите – покажала потенцијални придобивки од изложеноста на кучиња во раното детство, особено во однос на алергиите на храна.
Најново истражување се обидува да го реши ова. Истражувачите ги испитувале податоците за изложеност на домашни миленици и алергија на храна за 66.215 деца за да видат дали контактот со различни животни влијае на ризикот од алергии на храна. Според податоците, околу 22 отсто од прегледаните деца во феталниот период биле изложени на домашни миленици, а најмногу на домашни кучиња и мачки. Податоците биле собрани од медицинската евиденција во текот на првиот триместар, при породувањето и на едномесечниот преглед.
Резултатите од истражувањето покажале дека изложеноста на кучиња и мачки значително ја намалува зачестеноста на алергии на храна. Тие откриле дека изложеноста на кучиња значително ја намалува веројатноста за развој на алергии на млеко, јајца и јаткасти плодови. Изложеноста на мачки значително ги намалувала шансите за развој на алергии на јајца, пченица и соја.
Според авторите, студијата ги покажува потенцијалните придобивки од тоа да се има кучиња и мачки како домашни миленици кога децата се многу мали. Овие резултати, тврдат тие, „ја намалуваат загриженоста за развој на алергиски болести предизвикани од чување кучиња и мачки“.
