Ве бомбрадира ли детето со бројни прашања, немојте да ги игнорирате, колку и да ви звучи смешно тоа што ги ингтересира. Детската љубопитност нема граници, а и како стануваат постари и позрели, многу луѓе во себе ја гушат природната страст за нови знаења.
Психолозите истакнуваат дека љубопитноста и способноста за пронаоѓање на чудесното во наизглед обичните работи, поттикнува креативност и ја чува менталната бистрина.
Децата брзо растат, па искористете ја секоја прилика да се нурнете во нивниот свет на имагинација, спонтаност и смеење. Ќе се потсетите дека се може да биде игра. Измислете правила, срушете лични рекорди, поттикнете го својот натпреварувачки дух. Отфрлете го стравот, сомнежот во себе, критиката, грижите и деструктивните мисли за неуспех. Децата мислат дека се можат и ништо не може да ги спречи. И најчесто се во право.
- На децата се им е смешно, а често се смееат и без никаква причина – само затоа што во тоа уживаат. Смејте се со нив!
- Во тајниот детски јазик, зборот фитнес не постои. Трчањето, качувањето, фрлањето се вика забава.
- Смислата за хумор ќе ве извлече од многу проблеми во кои може да заглавите. Децата тоа многу добро го знаат и го применуваат.
- Децата ќе го кажат тоа што им е на ум, без разлика на се. И на возрасните понекогаш добро би им дошло малку повеќе отвореност.
- Вистинските пријатели не се познаваат само во неволја, туку знаат да делат и туѓа радост. Во детските пријателства нема завист.
