Правите се што знаете со цел да спречите детето да добие настинка или цревна вироза, но мора да му објасните дека микробите се одговорни за непријатноста што ја чувствува додека е болно.
Научете го детето што се здрави навики, основите на хигиената и зошто е тоа важно.
Миењето раце е на врвот на листата на здрави навики кои децата ви требало да ги научат од една едноставна причина, а тоа е спречување на ширење на микробите кои предизвикуваат вируси и други инфекции како што се болка во грлото, течење на носот, мачнини, кои може да се избегнат со едноставно користење на топла вода и сапун.
Користете топла вода и сапун. Мијте ги рацете најмалку 20 секунди, темелно исплакнете ги и исбришшете ги со крпа или исушете ги на воздух.
Следно на списокот на здрави навики за децата е да го научите детето да кива. Значи, нека кивне во внатрешноста на лактот, а не во дланката или во простотор по сите. Оваа здрава навика се однесува и на кашлањето.
Бидете добар пример и дајте му детето еднократни хартиени шамивчиња. Неверојатно е колку малку ги користат децата, а тој пропуст може да ви се препише вам. Валканото шамивче треба веднаш да се фрли. Откако детето ќе ја совлада техниката на бришење на носот, научете го валканото шамивче веднаш да го фрли во канта за отпадоци или во тоалет.
Некои работи не се наменети за делење и тоа секако објаснете му го на детето. Имено, чешел, четка и шапка се предмети преку кои вошките најбро се шират. Четка за заби, шолја, вилушка и сламка за пиење, свирче и други предмети кои детето ги става во уста, исто така не се за споделување.
Спуштајте ја даската во тоалетот. Иако на детето му е интересно да гледа како водата во ве-це шолјата носи се, тоа и не е баш добро, бидејќи со секое испирање, капките вода што содржат ситни честички од сешто што се наталожило, се испуштаат во воздухот. Покажете му на детето како да ја спушти тоалетната даска и така да спречи ширење на бактериите.
