Се чини дека децата кои во раното детство имаат прекумерна телесна тежина имаат пониски коефициенти на интелигенција (IQ), укажува една нова студија. Имено, тестирањето покажало дека децата со прекумерна телесна тежина имаат полоши резултати во делот на размислувањето и работната меморија.
Важно е да се напомене дека, иако студијата утврдила поврзаност помеѓу телесната тежина и детската интелигенција, истражувањето не било наменето за докажување на причинско-последичниот однос.
Во земјава процентот на деца со прекумерна телесна тежина не е за занемарување, а во некои европски земји стапката на детска обезност во последните години е тројно зголемена. Се проценува дека секое петто дете во САД има проблем со прекумерна телесна тежина.
Се верува дека резултатите од оваа студија се уште една дополнителна причина родителите повеќе да се вклучат во превенцијата на обезност кај децата.
Извор: Obesity
