Ана Коен, детски психотерапевт и портпарол на британското Здружение на детски психотерапевти (АЦП), ги споделува најчестите симптоми кои ги забележала кај децата и им дава совети на родителите како да се однесуваат доколку нивното дете страда од пореметување во исхраната.
Коен ги претставува најчестите рани предупредувачки сигнали дека детето има проблем.
Како прв показател, таа го истакнува зголемениот интерес за броење калории, при што детето може да преземе апликации за броење калории, да бара да купи одредена храна и да готви или одеднаш сака да подготвува оброци самостојно, пренесува „Хафингтон пост“.
Родителите треба да бидат внимателни ако забележат дека нивното дете почнува да прескокнува оброци или да одбива десерти во кои претходно уживало. Исто така, треба да внимаваат и ако детето носи облека која е видливо преголема или почнува да носи помал број алишта. Коен истакнува дека показател е и тоа ако децата инсистираат да готват за други луѓе, но не јадат ништо што самите подготвиле.
Родителите треба да бидат внимателни ако забележат дека нивното дете почнува да прескокнува оброци или да одбива десерти во кои претходно уживало. Исто така, треба да внимаваат и ако детето носи облека која е видливо преголема или почнува да носи помал број алишта
Што треба да направат родителите?
Главната работа што треба да ја направат родителите е да не се расправаат со своето дете за ситуацијата во која се наоѓаат. Најлошо нешто што родителите можат да направат е да му викаат на своето дете и да предизвикаат проблеми во нивниот однос.
„Многу е тешко родителите да разберат и да знаат како да одговорат на дете со нарушување во исхраната. Родителите понекогаш може да се чувствуваат беспомошни, разочарани и фрустрирани бидејќи нивното дете е упорно во навидум самоуништувачкото однесување“, објаснува таа.
Расправијата околу нивниот проблем нема да ги охрабри да престанат да прават работи што им штетат, истакнува таа.
„Карањето може да создаде уште поголема дистанца помеѓу вас и вашето дете бидејќи тие не се во состојба да ја разберат вашата фрустрација и за возврат се чувствуваат повредено и луто“, додава таа.
На родителите им советува да останат мирни кога се лути и да преземаат чекори кои нема да му наштетат на детето. Со својата смиреност, родителите покажуваат дека се способни да се справат со своите комплицирани чувства и да им пружат поддршка. Детскиот психолог советува дека кога ќе сфатат дека нивното дете страда од пореметување во исхраната, да најдат здравствен работник кој ќе им помогне во лекувањето.
