Децата со 26 месеци сложуваат едноставни реченици како “мамо уште бисквити“. Продолжете да работите на обогатување на нивниот речник, за да станат мали “зборковци“
Што сега прави?
Со 26 месеци детето може да сака да гради или да прави конструктивни работи, како свечено облекување или ставање на омилената плишана играчка во кревет на спиење.
Играта кринека може да стане негова омилена активност, особено што детето е во период кога може да следи едноставни правила, и ќе ужива во барањето на места за криење.
Боењето му е исто така интересно, особено ако се во прашање шарени боици или фломастери. Овозможете да се изразува и не грижете што не ја држи боичката како што треба, то аи не се очекува од него се до четвртата година.
Како комуницира?
Сега разбира повеќе поими, и прави разлика помеѓу големо и мало. Речникот брзо расте и знае околу 200 збора и може да составува кратки реченици. Составувањето реченици значи и дека ќе може полесно да изразува лутина и фрустрација, и да ви го опише денот.
Во овој период, децата стануваат вистински изведувачи, неважно дали се работи за пеење или свирење, или за прераскажување на случки.
Прашањата се негово секојдневие, па трудете да одговарате на нив. Но, имајте на ум дека одговорите ттреба да се прилагодени на возраста. Книгите и визулените помагала може да ви бидат одличен сојузник кога морате да објасните зошто небото е сино.
Како може да помогнете?
Охрабрете го да се обиде да служува сложувалка, но правете го тоа чекор по чекор. Почнете со оние од по 4, па 8 дела и така полека. При читањето не мора строго да се држите до приказната, туку со прашања охрабрете го детето да состави своја приказна.
