Доколку бебето се научи само да се успива, и вам и нему ќе му биде полесно. Не само што помирно ќе заспие, туку и откако ќе се разбуди, повторно лесно ќе заспие.
Но, за совладување на техниката за самозаспивање на бебињата им е потребна родителска помош што подразбира блискост и ритуали пред спиење. Постојат различни техники за самоуспивање, а некои граничат со контраверзност. Имено, многу родители се нивни жестоки критичари и сметаат дека со нив на децата им се скратува потребата за внимание и галење.
Истражување на две големи групи новороденчиња, покажало дека квалитетот на сонот на бебето варира во текот на првите две години од животот и дека тоа е сосема нормално.
Кога да почнете да го навикнувате бебето да заспива самостојно?
Возраста на која бебето може самостојно да се успие зависи од неговиот темперамент и средината во која спие. Во повеќето случаи, во текот на првите 12 недели од животот, бебето нема да може да заспие без помош на родителите. Поттикнувањето на многу мало бебе самостојно да заспие, исто така, може да биде штетно, бидејќи бебињата често се будат затоа што мораат да јадат. Затоа, препораката на педијатрите е да почнете со учење за самозаспивање помеѓу 3 и 6 месеци, бидејќи дури тогаш бебињата развиваат циклус на спиење и се одвикнуваат од ноќното хранење.
Техниките за самозаспивање зависат од возраста на детето
Иако новороденчињата обично не можат да се самозаспијат, воспоставувањето рутина за спиење и здрави навики за спиење од самото раѓање може да му помогнат на детето подоцна да има поквалитетен сон.
- ставете го бебето во креветчето секоја вечер во исто време, во темна просторија, без звуци
- воспоставете рутина пред спиење која вклучува капење, храна и приказна секогаш во исто време
- секогаш бидете нежни со детето пред спиење, гушкајте го многу, за бебето да се чувствува безбедно
- не дозволувајте детето да спие повеќе од три часа во текот на денот.
Кога станува збор за деца постари од една година, кои можат сами да заспијат, родителите можат да се обидат:
- обезбедете му на детето посебен простор за спиење
- не дозволувајте детето да се премори: штом ќе го забележите првиот знак на замор кај детето, почнете да го заспивате
- овозможете му на детето да спие со некој драг предмет, неговото ќебе или мека играчка.
