Најважниот период за развојот на вашето дете, како физички, така и когнитивен и емоционален, се првите 1.350 дена од неговиот живот, а кои се однесуваат на животот од моментот на зачнување до 3-годишна возраст. Ова е време кога мозокот, телото и имуниот систем на детето најбрзо се развиваат.
За време на бременоста, вашето здравје, исхрана и нивото на стрес може да влијаат на иднината на вашето бебе. Откако ќе се роди детето, неговата околина, исхрана и односи може да имаат доживотно влијание врз неговото здравје и благосостојба.
Во првите 1350 дена, на вашето дете ќе му треба:
- здрава исхрана
- љубов
- безбедност
- време за играње
- здрава средина – вклучувајќи го и периодот во матката
Како се развива мозокот на бебето во овој период?
Во текот на првите 1.350 дена, мозокот на бебето се развива побрзо отколку во кој било друг период од животот. Начинот на кој нивниот мозок се прилагодува на околината придонесува за развојот на нивната личност подоцна во животот.
Зошто е важна квалитетната исхрана во првите години од животот на детето?
Квалитетната исхрана на мајката за време на бременоста и доењето е од големо значење за идното здравје на детето. Додека сте бремени, вашата тежина и начин на живот може да влијаат на развојот на метаболизмот, имуниот систем и органите на вашето бебе. Штом вашето бебе ќе почне да јаде цврста храна, помогнете му да развие прехранбени навики кои ќе траат цел живот.
Како стресот влијае на раниот развој на бебето?
Доколку доживеете голем стрес за време на бременоста, тој може да влијае на нервниот систем на бебето, но, според некои истражувања, тој останува запишан во клеточната меморија и има влијание врз понатамошниот живот и однесување на бебето по раѓањето.
Како на бебето да му се обезбеди добар почеток?
Еве што да направите за да се осигурате дека вашето бебе има се што му е потребно за раст и развој во првите години од животот.
- избирајте здрава исхрана за време на бременоста и доењето
- избегнувајте пушење, алкохол и дрога
- ако доживеете насилство или траума, побарајте помош
- доете го детето најмалку 6 месеци
- обезбедете му на бебето здрава исхрана кога ќе почне со цврста храна
- дајте му на бебето многу љубов и внимание за да се чувствува безбедно
