Како што веројатно и сами знаете, заразата со вошки предизвикува силно чешање, а по интензивниот јадеж, често се создаваат ранички на скалпот, што може да доведе до бактериска инфекција. Токму затоа е важно навреме да се воочат знаците на зараза.
Иако се работи за безопасни паразити, симптомите што ги предизивкуваат вошките може да бидат непријатни. Најчесто гипогодуваат децата во градинка и основните училишта, а пробелмот се јавува без оглед на хигиената и условите за живот.
Дури некои истражувања укажуваат на нивен зголемен афинитет кон чиста коса поради олеснетото движење и положување на јајца. Кога ќе се откријат кај децата, потребно е да се третираат косите и скалпот кај сите членови на семејството. Кај децата понекогаш тешко може да се забалежат вошките и неретко може да чувствуваат само нејасна надразба на главата. Понекогаш поради инфекција на кожата на главата отекуваат лимфните јазли на задниот дел од вратот, па и тоа може да биде знак на зараза.
Вошките женки положуваат сјајни сиво-бели јајца (гниди) кои најчесто може да се видат како ситни топчиња цврсто закачени на косата. За разлика од првутот, кој лесно се отстранува, вошките неретко се цврсто прилепени за скалпот. Вошките и нивните јајца – гнидите, се наоѓаат не само на косата, туку и во шавовите на облеката што се носи близу до косата. Затоа е потребно да се елиминира целата облека и останати ткаенини со кои детето било во контакт, како пешкири и постелнина и треба темелно да се исперат.
Еве кога треба да се посомневате дека се работи за вошливост (педикулоза):
- Упорно чешање на главата кое се интензивира
- Раздразливост, несоница и губење на концентрација
- Зголемување на лимфните јазли
- Секундарна инфекција (импетиго и други кожни инфекции) – се јавуваат ретко
- Треска – се јавува ретко.
Редовните прегледи на косата и скаплот кај децата овозможува дијагностицирање на вошливоста во ран стадиум, што го олеснува лекувањето и ја намалува можноста за заразување на други лица.
