Ако се прашувате дали може да го доите бебето ако имате дијабетес – одговорот е можете. Дотолку повеќе што доењето помага на мајките со дијабетес тип 1 или 2 да ја држат болеста под контрола, и спречува компликации. Исто така, не постои никаков ризик да на овој начин на бебето му се пренесе вашето заболување. Доењето може да го продолжи времето и до враќање на менструалниот циклус, кој носи хормонални промени кои ја отежнуваат контролата на нивото на шеќер во крвта.
Сепак, ако имате дијабетес, мора да внимавате на неколку работи при доењето.
Со оглед дека со доењето се трошат дополнителни калории, може нема да ви биде потребна толкава количина на инсулин која сте ја земале пред доењето. Падот на нивото на шеќерот во крвта доведува до ризик од хипогликемија.
Некои од симптомите на хипогликемија се:
- Тресење
- Мачнина
- Потење
- Забрзана работа на срцето
Затоа е многу важно да се избегне ризикот од хипогликемија.
Како да се одржи стабилно ниво на шеќерот во крвта?
Доењето многу бара од вашето тело, а бара и одредена диета, со големи количини на нутиренти кои обезбедуваат доволно млеко. Затоа, планирајте оброците да содржат 40% јаглехидрати со фокус на поголема количина на влакна, низок гликемиски индекс и избегнување на рафинирани шеќери, што вклучува овесни снегулки, кафеав ориз и сладок компир.
Околу 40% од енергијата на телото треба да доаѓа од мастите, од кои половина од незаситените масти (авокадо и масла), а другите 20% од протеини. Исто така, една од клучните ставки се редовните оброци и план кој вклучува ужина во правилни интервали. Ова помага да се избегне нагло паѓање на шеќерот во крвта.
