Мајчиното млеко содржи антитела кои им помагаат на бебињата во борбата против инфекциите, а истражувањата покажуваат дека доените бебиња имаат помал ризик од појава на инфекции на увото. Ексклузивното доење во првите шест месеци и доењето заедно со цврста храна најмалку една година влијае на овие зачестени инфекции.
- Внимателно со цуцлите лажалки
Колку повеќе бебето се дои, толку е посилна заштитата од инфекции, но дури и повременото доење или пократкиот период на доење може да направи разлика во имунитетот на детето.
За дополнително да го заштитите вашето дете од инфекции на увото, редовно мијте му ги рацете, особено пред и после јадење и за време на зимските вируси и настинки. Намалете ја употребата на цуцли, особено откако бебето ќе наполни шест месеци.
- Хранење во правилна позиција
Држете го вашето дете подалеку од чад од тутун бидејќи се верува дека го зголемува ризикот од појава на инфекции.
Ако го храните бебето со шише, внимателно поставете го под агол од 45 степени и никогаш не го ставајте шишето на перница или друга подлога, туку држете го со раката. Не се препорачува хранење бебето во лежешка позиција, бидејќи млекото може да влезе во Евстахиевата туба и на тој начин да акумулира бактерии или вируси во средното уво.
Експертите советуваат и редовна вакцинација според календарот за имунизација, со цел да се заштити бебето од потешки болести, но и од воспаленија на увото.
