Познавањето на крвната група овозможува одговори на многу прашања врзани за здравјето, долговечноста или количината на енергија смета авторот на книгата “Јади правилно според својата група“, Питер Адамо. Ова е негова теорија околу тоа каква дохрана би требало да добиваат бебињата според крвната група, со што се добива уште една од низата различни поделби на намирници кои се советуваат за децата. Сепак, родителите на крајот сами ќе мора да одлучат која од достапните теории им се чини најприфатлива.
БЕБЕ – Крва група О
На возраст од шест месеци, ова бебе може да почне да јаде снегулки од ориз и каша од елда. Од зеленчук, на почетокот на дохраната, на ова бебе најдобар ефект ќе има морковот, тиквата и слаткиот компир, додека со 12 месеци може да почне да јаде и цвекло, брокула и спанаќ. Од овошје, ова бебе прво треба да проба праска, крушка, банана и боровница, а со седум месеци може да почне и со јаболка. На возраст од девет месеци може да јаде и грозје.
На возраст од шест месеци на ова бебе во исхраната може да му се воведе млеко од соја и мешунки, а со седум месеци се препорачува воведување и на грав. Ова бебе тофу може да почне да јаде на возраст од 10 до 12 месеци, Адамо тврди дека бебе со крвна група О, ориз може да почне да јаде кога ќе наполни една година. Веќе од девет месеци може да се почне со воведување на говедско, мисиркино и пилешко месо во дохраната на бебето.
Во првата година во целост треба да избегнува пченкарни снегулки, овесна каша, компир, авокадо, киви и портокал. Добро би било да се избегнува и сирење, кравјо млеко, јогурт и свинско месо.
БЕБЕ – Крвна група А
Кога ќе наврши шест месеци, бебе со крвна група А може да почне да се дохранува со снегулки од ориз, а на возраст од девет месеци може да почне да јаде овесна каша за бебиња. Од зеленчук, со навршени шест месеци би било добро во исхраната да се воведе морков и тиква, а од седум месеци и спанаќ. Со навршени 12 месеци, ова бебе смее да јаде цвекло, брокула и пченка. Првите овошни вкусови нека бидат праска, крушка и боровница, и тоа со навршени шест месеци, а на возраст од седум месеци слободно во исхраната може да се уфрли и јаболка, авокадо и сливи, а од девет и киви.
Со навршени шест месеци може да почне да јаде и мешунки и да пие млеко од соја, а со наполнети девет месеци црн грав, леќа и тофу. Со воведување на ориз треба да се причека додека бебето не наполни една година, а истото важи и за оризово млеко. Со млечни прозиводи треба да се причека до навршување на седум месеци, кога во исхраната може да се воведе јогурт. Козјо сирење и млеко може да му се дадат на ова бебе по 9. месец. Пилешко и мисиркино месо, може да почне да јаде откако ќе наполни 10 месеци.
Во првите 12 месеци ова бебе никако не смее да јаде зелка, компир, сладок компир, домат, банани, портокали, наут, кравјо млеко и сирење, говедско, свинско месо и месни преработки.
♦♦♦♦ Во следното продолжение: Дохрана на бебето зависно од крвната група АБ и Б
