Познавањето на крвната група овозможува одговори на многу прашања врзани за здравјето, долговечноста или количината на енергија смета авторот на книгата “Јади правилно според својата група“, Питер Адамо. Ова е негова теорија околу тоа каква дохрана би требало да добиваат бебињата според крвната група, со што се добива уште една од низата различни поделби на намирници кои се советуваат за децата. Сепак, родителите на крајот сами ќе мора да одлучат која од достапните теории им се чини најприфатлива.
БЕБЕ – Крвна група Б
Бебе со оваа крвна група со навршени шест месеци може да почне да јаде оризови снегулки, а со девет овесна каша. Сладок компир, морков и тиква се првиот зеленчук со кој може да ја почнете дохраната исто така на возраст од шест месеци, а со навршена една година може да јаде брокула, зелка, цвекло и спанаќ. Првото овошје за ова бебе нека биде банана, праска, крушка и боровница. Со седум месеци може да јаде јаболка и слива, а со 12 месеци – ананас, јагоди и папаја.
Мешунки може да почне од 6 месеци. Ориз и млеко од ориз во бебешката исхрана треба да се воведат со девет месеци. Кај бебињата со крвна група Б треба да се причека до 7 месец пред во исхраната да се воведе јогурт. Кефир и урда може од девет, а козјо сирење и путер од 12 месеци. На девет месеци може да почне да јаде говедско, јагнешко, мисиркино месо.
Во првата година, бебе со оваа крвна група не треба воопшто не смее да јаде пченка, домати, авокадо, леќа, млеко од соја, тофу, елда, пилешко и свинско месо.
БЕБЕ – Крвна група АБ
Со наполнети шест месеци бебе со оваа крвна група може да почне да јаде оризови снегулки, а за овесна каша треба да причека до деветиот месец од животот. Исто така, со шест месеци може да почне да му се дава морков, тиква и сладок компир. На девет месеци на менито се внесуваат спанаќ и компир. Од една година ова бебе може да почне да јаде домат, зелка, брокула.
Прво овошје за ова бебе треба да биде праската и тоа на шест месеци. Со седум може да се почне со јаболка и брусница, а на девет смее да јаде и грозје, киви, сливи и јагоди. Кога ќе наполни една година може да јаде и ананас. И бебињата од оваа крвна група со навршени шест месеци може да почнат да јадат мешунки. Месец дена подоцна може да консумираат и леќа и млеко од соја. Ориз и оризово млеко не се препорачува пред 12 месеци.
Се препорачува од шест месеци да пијат и јогурт, додека со кефир и сирење треба да се причека до 9. Месеци. Со девет месеци може да му се даде јагнешко и мисиркино, а мелено месо после 12 месеци.
Во првите 12 месеци бебе со крвна група АБ треба да избегнува пченка, банана, елда, масни сирења, кравјо млеко, сладолед, говедско и пилешко месо, свинско месо, портокали и авокадо.
