Бројот на настинки во текот на зимските месеци е зголемен, а искашлувањето слуз е една од последиците на вирусните и бактериските инфекции со кои се бориме.
„Кога ни тече носот или искашлуваме слуз, тоа е знак дека телото се бори против инфекцијата и ја исфрла од телото, а бојата на слузот може да укажува на причината за самата инфекција“, објаснува д-р Том Џенкинс за британски „Експрес“.
„Слузта нè штити бидејќи ги одржува белите дробови, дишните патишта и носот влажни и пренесува антитела и имунолошки клетки кои помагаат во борбата против инфекцијата“, додава докторот.
Кашлицата предизвикана од вирус обично исчезнува за 10 до 25 дена. „На вирусните кашлици им треба подолго време да се исчистат отколку што многу луѓе мислат. Кај млади здрави луѓе, 50 проценти ќе исчистат во текот на 10 дена, а 90 проценти ќе се исчистат во текот на 25 дена“.
Во продолжение, докторот дава објаснување што значат различните бои на слуз.
Зелена
Според д-р Џенкинс, присуството на зелен спутум укажува на присуство на бели крвни зрнца, кои се важни за борба против инфекцијата. Тој додава дека белите клетки произведуваат ензим кој може да го обои спутумот во зелена боја. „Понекогаш зелена слуз може да се појави само наутро, но продукција на зелена слуз во текот на денот е симптом за кој треба треба да се поразговара со лекар, бидејќи понекогаш може да значи и бактериска инфекција“, вели д-р Џенкинс.
Слузта нè штити бидејќи ги одржува белите дробови, дишните патишта и носот влажни и пренесува антитела и имунолошки клетки кои помагаат во борбата против инфекцијата
Розева
Розевата слуз може да биде знак дека имате течност во белите дробови (пулмонален едем). „Луѓето со акутен пулмонален едем создаваат многу карактеристична пенлива розевкаста слуз“, тврди д-р Џенкинс.
Црвена
Црвената слуз е најзагрижувачка боја во однос на слузта. „Ако искашлувате мала количина на светлоцрвена крв – тоа може да биде предизвикано од кашлица, респираторна инфекција или понекогаш е знак на злоќудни состојби. Ако вашата слуз е обоена со крв треба веднаш да посетите лекар.“
Кафеава
Кафеавата слуз е честа појава кај пушачите. Може да биде предизвикана и од исушена крв од носот или настинка, како и од чепкање на носот. Кафеавата слуз може да дојде и како последица на вдишување загаден воздух или чад. Понекогаш може да укажува и на бактериска инфекција за што треба да поразговарате со вашиот доктор.
Црна
Црната слуз може да се појави како резултат на вдишување нечистотии или прашина, а може да биде последица и на пушење.
„Општо правило е дека колку е потемна слузта, толку е поголема веројатноста дека се случува нешто посериозно“, вели д-р Џенкинс.
Тој додава: „Вашиот прв чекор треба да биде да го посетите вашиот лекар. Кашлицата без слуз, треска или останување без здив е поверојатно да е вирусен акутен бронхитис, кој исто така нема да реагира на антибиотици во повеќето случаи.
Ако сте имале кашлица повеќе од три недели, секогаш посетете го вашиот општ лекар за да исклучите постоење на долгорочни и злоќудни состојби“, порачува д-р Џенкинс.
