Пандемијата на коронавирус сè уште беснее низ светот, а многу земји бележат нагло зголемување на новите случаи и хоспитализации. Покрај коронавирусот, постудениот период од годината носи ризик и од сезонски болести, особено од грипот.
„Знаеме дека сите се веќе малку уморни од Ковидот, но не е време да се откажеме од заштитните мерки“, вели д-р Џон Вајт за „Фокс њуз“. Тој потсетува на дел од најлошите работи што можете да ги направите за време на пандемијата на коронавирус.
Одите на работа иако се чувствувате лошо
„Немојте да бидете во близина на другите, особено ако не се чувствувате добро“, вели лекарот.
„Може да бидете заразени со COVID-19 дури и пред да добиете позитивен резултат, затоа слушајте го вашето тело. Ако не се чувствувате добро, останете дома“, вели тој.
Неправилно ја носите маската
Многумина ја ставаат маската само преку устата и не го покриваат носот. На тој начин капките може да се шират, а маската тогаш не заштитува како што би штитела кога би се носела правилно.
Значи, маската мора да ги покрива и устата и носот, експертите постојано нè потсетуваат на тоа.
Посетувате поголеми собири, особено во затворени простории
„Одењето на настан каде што има 50 или повеќе луѓе, кои не држат дистанца и не носат маски, е опасна игра“, посочува д-р Вајт.
Јадете храна од шведска маса
Рестораните кои ја послужуваат храната на шведска маса не се идеална опција. Околу шведската маса може да се создадат гужви и капки, кои можат да бидат заразни и лесно да стигнат на храната која се наоѓа на масата.
Мислите дека лекот е зад аголот
„Иако напредувавме откако коронавирусот се појави во светот, немојте да мислите дека лекот е зад аголот“, заклучува д-р Вајт.
