Неодамнешната студија покажа дека на идните мајки им се препорачува да спијат во текот на денот, бидејќи попладневниот сон има многу добар ефект врз здравјето на нивните бебиња.
Дури и ако не сте личност која сака да дремне во текот на денот, ова може да се промени за време на бременоста, особено за време на третиот триместар кога бремените жени се чувствуваат поуморни од вообичаеното. Сега постојат и научни докази кои ги охрабруваат идните мајки да „затворат очи“ во текот на денот.
Според истражувањето објавено во научното списание „Sleep Medicine“, бремените жени кои редовно дремнуваат, имаат помали шанси да родат бебе со ниска родилна тежина, односно помала од 2,4 килограми. Ниската родилна тежина е поврзана со здравствени компликации за време на детството и возрасното доба, како што се респираторни заболувања и хипертензија. Поради ова, попладневната дремка не само што ви помага да го „преживеете“ попладнето, туку има некои потенцијално големи придобивки за долгорочното здравје на вашето бебе.
Дури и ако не сте личност која сака да дремне во текот на денот, ова може да се промени за време на бременоста, особено за време на третиот триместар кога бремените жени се чувствуваат поуморни од вообичаеното
Имено, истражувачите анализирале податоци од повеќе од 10.000 бремени жени и откриле дека идните мајки кои редовно дремеле околу 60 до 90 минути во текот на денот имаат 29% помалку шанси да родат дете со ниска родилна тежина од оние кои не спиеле во текот на денот. Тие исто така дознале дека дремнувањето најмалку пет дена во неделата ја намалува веројатноста за ниска родилна тежина за 22 проценти.
„Ова истражување е уште еден показател за важноста на сонот за здравјето на идните мајки и нивните бебиња. Бременоста е како стрес-тест кој покажува какви здравствени проблеми би можеле да имате подоцна, па затоа е важно сега да обрнете внимание на тоа“, вели д-р Сузана Каран, чиј тим ја истражува врската помеѓу родилната тежина на бебето и навиките на спиење на мајката.
И додека новото истражување откри дека мајките кои спијат повеќе од еден час на ден имаат најголеми придобивки, дури и 20 минути на ден можат да помогнат да ја зголемите вашата вашата енергија, затоа само напред – дремнете си слатко и без трошка вина!
