Стручњаците сега се согласуваат дека инфекцијата со новиот коронавирус главно се шири по капков пат преку респираторни капки; ако имате коронавирус, тие капки може да ги исфрлите со кашлање, разговор и кивање, а потоа да ги вдишат тие околу вас.
Поради тоа, носењето заштитна маска е толку важна алатка на јавното здравство.
И N95 и хируршките маски се едни од најефикасните маски кои помагаат во спречување на ширењето на коронавирусот, сугерира едно истражување. N95 маските посебно може да го заштитат и оние кои ги носат и нивната околина од вдишување на капки кои содржат вирус, објаснуваат од Мајо клиниката.
Со оглед дека N95 маските и хируршките маски сами по себе се доста ефикасни, додавањето на друга маска врз било која од нив, нема нужно да додаде поголема заштита. Што се однесува до платнените маски, кои повеќето од нас ги носи, “што повеќе слоеви, тоа подобро’, вели Таниа Елиот, имунолог и алерголог во Центарот за јавно здравје во Њујорк.
Тоа значи дека теоретски носењето две маски може да “помогне во понатамошното намалување на ширењето на капките во воздухот“.
Сепак, како што објаснува д-р Елиот, кога носите две маски, респираторните капки може да се фатат помеѓу нив. Оној кој сака да ги дуплира, треба да избегнува поставување на маските на потенцијално контаминирани површини, и да биде особено внимателен околу редовната нивна хигиена.
Центарот за контрола и спречување на болести, препорачува маски кои содржат најмалку два слоја, убаво прилепени за лицето и кои целосно ги покриваат носот и устата.
