Концептот за разгалено дете на повеќето од нас ни е познат. Најчесто се карактеризира со прекумерна попустливост од страна на родителите, а како што објаснуваат психолозите, попустливото родителство е токму методот на воспитување кој води до разгалени деца. Родителите кои прекумерно му попуштаат на детето, може несвесно да доведат до развој на надуено чувство на самодоверба, лоши социјални вештини и недостаток на дисциплина кај детето.
Често вкоренето во добронамерната желба за помош, поддршка и грижа, прекумерното попустливото родителство може да придонесе за развојот на овие две проблематични однесувања, пренесува Parents. Но, како да препознаете дека детето може да биде разгалено поради начинот на кој е воспитано? Некои од знаците се следниве:
- Никогаш не прифаќа „не“ за одговор
- Има чести тантруми ако нешто не е по негово
- Никогаш не е задоволно со тоа што го има
- Очекува секогаш да добива сè што сака.
Психолозите, исто така, забележуваат дека попустливите родители честопати не се ни свесни дека нивното однесување може да придонесе за развој на разгаленост кај детето, додека не е предоцна.
Затоа, потребно е уште од мали нозе да му се даде до знаење на детето дека не може секогаш сè да биде по негово, да се постават јасни граници и да се придржуваат до одредени правила кои се од суштинско значење за успешно воспитување на секој поединец.
