Токму поради тој факт може да се чини дека се се враќа во нормала, но сепак не е се уште време да ја фрлите маската од лице. Иако можеби се чувствувате заштитено по првата доза вакцина важно е да имате предвид дека инфекција со коронавирусот е се уште можна.
Д-р Натали Вилијамс, лекар по општа медицина, појаснува што може да очекувате по втората доза вакцина и кога може да е вратиме на нормалниот живот.
ПОЧЕКАЈТЕ СО НОРМАЛНИТЕ АКТИВНОСТИ СО ВТОРАТА ДОЗА
Според неа, истите грешки луѓето ги повтроуваат 3 до 4 недели по првата доза вакцина. Вакцината на Фајзер има слаб имунолошки одговор по првото вакцинирање, па за целосна заштита потребно е да се почека втората доза, од 21-28 дена по примање на првата.
Истото го потврдија и стручњаците од Центарот за превенција и контрола на болести, оти извештаите покажуваат дека инфекција по првата доза Фајзер, може да биде можна и до 80 проценти, додека втората доза ја зголемува ефективноста на вакцината до 90 проценти по две недели.
МОЖЕ ДА СЕ ЗАРАЗИТЕ ПО ПРВАТА ДОЗА ВАКЦИНА
На сите ни се патува, дружи со пријателите и ни се шета без маска, но бидете трпеливи. Д-р Вилијамс советува да ја почекате втората доза, оти може да ја ширите заразата и сами да се инфицирате.
По првото вакцинирање, може да очекувате симптоми како болка во раката, замор, температура и мачнини, но не се причина за загриженост. Но, тие симптоми може да бидат поизразени по втората доза, но треба да исчезнат за неколку дена.
Важно е, вели д-р Влијамс, да се сфати концептот на ефикасност на вакцината, а се работи за тоа дека таа делува кога се тестира. Иницијалните студии на ефективност не ги земаат предвид непознаниците кои се својствени за некои луѓе, ниту промените кои доаѓаат, како појавата на нов сој на вирусот.
Таа додава дека се евидентирани случаи кога лице се заразило по првата доза, што по втората доза не треба да се случи. Токму од тие причини потребна е да се почека за втората доза пред да се вратиме на “старото“ нормално.
АКО ГИ ЗАБЕЛЕЖИТЕ ОВИЕ 6 СИМПТОМИ ПО ВАКЦИНИРАЊЕТО, ВЕДНАШ ПОБАРАЈТЕ ЛЕКАРСКА ПОМОШ
Веројатноста за појава на нарушување на згрутчување на крвта како можна нуспојава од вакцинирањето е исклучително мала, но лицата треба да бидат свесни за можните симптоми за да ги препознаат и да побараат итна медицинска нега, која ќе им овозможи навремено лекување и намалување на ризикот за развој на компликации.
Крвни згрутчувања проследени со низок број на тромбоцити, може да се појават од четири до 20 дена по вакцинирањето. Вакцинираните лица без одложување треба да побараат итна лекарска помош, ако ги забележат овие симптоми:
- Отежнато дишење (краток здив)
- Болки во градите
- Отекување на нозете
- Долготрајна болка во стомакот
- Невролошки симптоми , како тешка и долготрајна главоболка или заматен вид
- Знаци на ситно точкасто крварење (модринки) на кожата оддалечени од местото на примање на вакцината
