Од 2007 година, речиси една третина од случаевите на заушки во САД се јавиле кај педијатриски пациенти, а поголемиот дел од тие пациенти биле вакцинирани, укажуваат резултатите од нова студија.
Имено, од педијатриските пациенти секоја година, околу 87 проценти од децата претходно примиле една или повеќе дози вакцина против мали сипаници, рубеола и заушки (МРП).
Според мислењето на стручњаците, појавата на случаи на заушки помеѓу вакцинираните деца ја нагласува потребата, клиничарите да се посомневаат на заушки кај педијатриските пациенти со паротитис или компликации од заушки, без оглед на возраста, вакциналниот статус или историјата на патувања.
Инаку, заушките (mumps virus) се актуна, заразна вирусна болест со карактеристично зголемување и болка во плунковните жлезди, најчесто паротидите. Компликации што може да се јават се панкреатитис, менингоенцефалитис и орхитис. Дијагнозата вообичаено се поставува врз основа на клиничката слика, а лекувањето е супоративно.
Причина за заушки е парамиксовирусот, кој се пренесува преку плунка и по капков пат. Вирусот веројатно влегува во организмот преку слузницата на носот или устата, а во плунката може да се најде и шест дена пред отекувањето на плунковните жлезди. Исто така вирусот е присутен и во крвта, урината и ликворот. По прелеѓување на болеста, обично останува траен имунитет.
