Советите за воспитувањата на децата често се менуваат. Како науката ќе понуди некои нови одговори, родителите настојуваат да ги усвојат најдобрите и најкорисните информации кои би им помогнале во донесувањето на најдобри одлуки.
Иако пофалбите се добри за децата, се поставва прашањето за начинот на кој треба да бидат искомуницирани.
Според експертите за детски развој и однесување, пофалбите, општо земено се добри. Кога родителот го пофалува детето за она што добро го прави, наместо да го прекори поради неговите грешки, детето во односите со луѓето ќе покажува помалку агресија, покажало најновото истражување.
ДВА ВИДА НА ПОФАЛБИ
Во пракса, ситуацијата со пофалбите е сепак посложена отколку што изгледа на прв поглед. Не е доволно само да му кажете на детето колку е добро, иако тоа е дефинитивно еден од начините. Имено, постои лична пофалба и пофалба базирана на труд.
- Личната пофалба е пофалба на детето за неговите природни способности и вештини. Овој тип на пофалби е најдобар кога сакате да му искажете љубов на детето.
- Пофалбата заснована на труд е пофалување на некои детски акции или активности. Тоа подразбира пофалба за нешто што детето може да го контролира.
ПОСТОИ ЛИ НЕГАТИВНА СТРАНА НА ПОФАЛБИТЕ?
Иако на прв поглед не изгледа така, можно е со пофалбите да се претера. Експертите потенцираат дека објавено истражување покажало дека пофалбите може да ја поткопаат мотивацијата на детето, што значи дека може да доведат до тоа да тоа мисли дека не е потребно да вложи труд за нешто да постигне. Ова се случува кога родителите ќе паднат во замката на претерување со личните пофалби бидејќи тоа ги доведува децата до уверување дека сите вештини ги поседуваат природно и дека не е потребно да се работи на нив.
