Можеби сте слушнале дека децата помлади од една година не треба да јадат мед. Тоа е вистина – експертите препорачуваат одложување на воведувањето мед кај малите деца бидејќи може да носи бактерија која е особено опасна за доенчињата, пренесува „Very Well Family“. Оттука, природно е да се запрашате дали можете да јадете мед за време на бременоста. За среќа, ова слатко задоволство, во повеќето случаи, е сосема безбедно за вас и вашето неродено дете, објаснува гинекологот Брајан Левин.
Од дамнина во медот се ужива како во вкусна храна, но и како домашен лек за одредени болести. Сепак, причината поради која некои луѓе ја доведуваат во прашање безбедноста на медот е тоа што понекогаш содржи бактерија наречена Clostridium botulinum. Оваа бактерија може брзо да расте во вашите црева и да произведе невротоксини што доведуваат до ботулизам, ретка, но сериозна болест која може да предизвика слабост и парализа на рацете, нозете, абдоминалната област или респираторниот систем.
Причината поради која некои луѓе ја доведуваат во прашање безбедноста на медот е бактеријата наречена Clostridium botulinum. Оваа бактерија може брзо да расте во вашите црева и да произведе невротоксини што доведуваат до ботулизам, ретка, но сериозна болест која може да предизвика слабост и парализа на рацете, нозете, абдоминалната област или респираторниот систем
Меѓутоа, овој ризик не претставува опасност за повеќето деца и возрасни луѓе. „Децата постари од една година и здравите возрасни лица, вклучително и бремените жени, можат безбедно да консумираат мед бидејќи нивниот имунолошки систем ги штити од сите бактерии што може да ги содржи медот“, вели д-р Сенди Проктер, професор по исхрана на Државниот универзитет во Канзас.
Сепак, со оглед на тоа дека секоја бременост е различна, експертите препорачуваат дека е добро да се консултирате со лекар доколку имате какви било прашања во врска со јадењето мед во овој период.
