Роберт Болингер, лекар и професор по инфектологија на Универзитетот „Џон Хопкинс“, за списанието „Johns Hopkins Medicine“ дава одговор на прашањето – дали треба сега со новите соеви да се придржуваме и до некои други правила. Тој верува дека нема потреба од тоа
♦♦♦♦♦♦♦
Во декември 2020 година, се појави нов сој на коронавирус кој предизвикува COVID-19, а оттогаш се откриени уште неколку мутирани соеви. Се поставуваат нови прашања – дали овие соеви се позаразни и дали во овој момент постои некој друг начин на кој можеме да се заштитиме од инфекција?
Роберт Болингер, лекар и професор по инфектологија на Универзитетот „Џон Хопкинс“, за списанието „Johns Hopkins Medicine“ дава одговор на прашањето – дали треба сега со новите соеви да се придржуваме и до некои други правила. Тој верува дека нема потреба од тоа.
„Мора да продолжиме да се однесуваме како што се однесувавме досега“, рече тој.
„Засега нема докази дека мутираните варијанти на вирусот се биолошки различни на начин што тоа би барало поинаков пристап или промени во препораките за да се спречи ширењето на инфекцијата. Сепак, и понатаму треба да продолжиме да го проучуваме овој феномен“, додава д-р Стјуарт Реј, експерт за SARS-CoV-2.
Секоја недела се откриваат нови соеви на вирусот SARS-CoV-2. Повеќето се појавуваат и исчезнуваат, а некои остануваат, но не превладуваат. Некои се покажуваат позаразни одредено време, но потоа и тие исчезнуваат. Кога се јавува промена во познатите модели на инфекција, тешко е веднаш да се утврди за што се работи. Можеби промената е во вирусот, а можеби и во однесувањето на човекот. Меѓутоа, загрижува фактот што изразито слични промени во вирусот се случуваат независно на повеќе континенти
Експертите истакнуваат дека однесувањето на луѓето е многу важен фактор. Колку повеќе луѓе се заразени, толку се поголеми шансите да се појават мутации. Ограничувањето на ширењето на вирусот преку придржување кон мерките (носење маски, одржување дистанца, засилена хигиена на рацете) не му даваат на вирусот можност за промена. Исто така, се намалува можното ширење на нови, позаразни варијанти, доколку се појават.
„Постојано мора да ги нагласуваме основните јавноздравствени мерки за заштита, а тоа е носење маски, одржување растојание, зголемена вентилација на затворените простори и избегнување на собирање луѓе на мал затворен простор. Ние му даваме на вирусот предност да се развива понатаму кога се собираме на мал простор“, објасни Болингер.
Можеме ли да очекуваме уште нови соеви на вирусот?
Експертите едноставно одговараат – да. Сè додека коронавирусот се шири низ популацијата, ќе се појавуваат мутации.
Минатата година неколку мутации го привлекоа вниманието на научниците, пред се, британскиот сој B.1.1.7, но и другите кои се појавија по него, предизвикаа загриженост. Меѓутоа, досега студиите покажаа дека нема големи промени во однесувањето на коронавирусите.
„Секоја недела се откриваат нови соеви на вирусот SARS-CoV-2. Повеќето се појавуваат и исчезнуваат, а некои остануваат, но не превладуваат. Некои се покажуваат позаразни одредено време, но потоа и тие исчезнуваат. Кога се јавува промена во познатите модели на инфекција, тешко е веднаш да се утврди за што се работи. Можеби промената е во вирусот, а можеби и во однесувањето на човекот. Меѓутоа, загрижува фактот што изразито слични промени во вирусот се случуваат независно на повеќе континенти“, додаде Болингер.
