Разводот е многу стресен период за родителите, а уште постресен за детето. Како што објаснуваат психолозите, постојат одредени работи кои родителите никогаш не треба да ги прават за време на разводот бидејќи на детето му прават повеќе штета отколку корист. Еве за кои грешки станува збор.
Една од најчестите грешки е да се очекува детето да избере страна. Иако е јасно дека родителите се повредени или лути еден на друг за време на разводот, најлошото што можат да го направат е да бараат од детето да биде на едната страна, без разлика дали се работи за мајката или таткото, објаснуваат психолозите.
Исто така, една од големите грешки е расправањето пред детето. Психолозите тврдат дека детето го впива секој изговорен збор и навреда. Освен тоа, последиците од расправиите пред детето може да бидат различни. Од фактот дека би можеле да имаат пониски оценки во училиште, да се повлечат во себе, да одбиваат да се дружат со пријателите, сè до зголемен ризик од депресија и анксиозност.
За време на разводот, многу родители често му зборуваат лошо за другиот родител или поранешниот партнер на детето. Психолозите предупредуваат дека тоа е особено лошо за детето. Неопходно е да се даде простор на детето да донесе свои заклучоци за тоа дали постапките на родителите биле лоши.
Ако пред детето зборуваме лошо за отсутниот родител , тоа во него ќе предизвика збунетост. Имено, би можело да почне да се плаши да искажува љубов кон другиот родител за да не нè повреди, што е многу лошо.
