На децата од предучилишна возраст не треба да им се даваат пијалоци полни со шеќер или вештачки засладувачи, велат британските експерти. За децата помлади од пет години веќе е советувано да не консумираат слатки пијалаци. Сега експертите кои ја советуваат британската влада велат дека не треба да им се даваат „напивки засладени со шеќер или НСС (засладувачи без шеќер)“.
Научниците велат дека ограничувањето на внесот на засладени пијалаци во раното детство значи дека децата се навикнуваат да пијат незасладени пијалаци. Но, за постарите деца, засладувачите „може да помогнат во намалувањето на внесот на шеќер“, велат експертите.
Научниот советодавен одбор за исхрана на британската влада, исто така, вели дека на помалите деца треба да им се дава „незасладена храна (незасладена со шеќер или НСС)“.
Нискокалоричните засладувачи или засладувачите без калории се користат наместо шеќер за засладување на некои видови храна и пијалаци. Овие супстанции се наоѓаат во производи како што се пијалаци, слатки, готови оброци и колачи.
