Освен општо познатите намирници кои ги користиме во нашата кујна со години наназад, во светот на исхраната се популарни се егозтичните намирници, кои станаа императив на модерната и здрава кујна. Иако нашите предци користеле неколку автохтони намирници во својата исхрана, глобализмот и лесната достапност на различни производи доведе до разноликост и во нашите чинии.
“Gluten free“
Денес кога глутенот е многу често споменуван во негативен контекст, меѓу модерните намирници кои се почесто се користат и во нашата кујна, најзастапени се gluten free псевдожитарките како киноа, елда и амарант. Тие содржат совршен однос на девет есенцијални аминокиселини кои се неопходни во исхраната, и кој однос е карактеристичен само за месото и кај билките ретко се сретнува. Исклучително се богати со аминокиселините лизин и изолеуцин. Тоа е посебно важно да се знае кај оние кои во својата исхрана не консумираат месо, како веганите и вегетаријанците. Без разлика на својата добра протеинска содржина, тие не можат во целост да ги заменат протеините од животниско потекло, односно од месото.
ЕЛДА
Колку елдата е одомаќинета во нашето секојдневие, говори и фактот дека покрај оризот е најчесто употребувана намирница како замена за пченицата. Не содржи глутен, па затоа е идеална за сите оние кои сакаат поздрава варијанта на леб. Рутинот кој се наоѓа во семето на елдата ги чува крвните садови од појава на атеросклероза и помага во борба против главоболките. Може да се вброи во намирници кои најдобро ги чистат цревата, па помага при опстипација, подобро празнење на цревата и целокупната работа на метаболизмот.
Содржи осум есенцијални аминокиселини, од кои најприсутна е лизинот. Содржи и триптофан, кој влиае на доброто расположение, а е важен и за регулирање на сонот. Корисна е и во борба против кашлица, чешање и разни други кожни состојби.
Спаѓа во група на потенцијални алергени, па при првата употреба кај детето треба да се биде внимателен. Може да се вклучи во исхраната од седмиот месец.
КИНОА
Киноата е богата со многу витамини и минерали кои ја вбројуваат во вистинска мала доза здравје. Богата е со флавоноиди кои спаѓаат во групата на антиоксидантни фитонутриенти. Содржи есенцијални минерали како што се железо, калиум, манган, бакар, магнезиум, витамини од Б групата и витамин Е. Високиот процент на влакна во киноата ја одржува дигестијата на завидно ниво, а комбинацијата на влакна и протеини дава долготрајна ситост и поволно влијае на телесната маса.
Киноата може да се воведе во исхраната на вашето бебе веќе од седмиот месец. Исклучително е нутритивно богата и хранлива, а нејзината мека конституција е практична за консумирање. При подготовката, важно е да се измие за да се неутрализира нејзината горчина. Како и при воведувањето на нови намирници во менито на бебето, мора да се воведува постепено и да се следи реакцијата на детето.
