Поимот гениј се однесува на некој со извонредна интелектуална или креативна моќ. Во раните 1900-ти, психолозите беа првите кои ја измерија и дефинираа генијалноста во смисол на коефициентот на интелигенција на една личност. Првиот генијален IQ резултат бил околу 140, но истражувачите подоцна сугерираа дека гениј треба да има коефициент на интелигенција повисок од 180.
Бидејќи сè уште не постои само една основна дефиниција за гениј, многу лекари проучуваат високо интелигентни или надарени деца за подобро да ја разберат генијалноста. Неа ја дефинираат како збир на оригиналност, креативност и способност за размислување на нови начини.
Многу родители би сакале нивното дете да биде интелигентно и надпросечно надарено. Како што објаснуваат психолозите, постојат многу различни знаци кои укажуваат дека детето можеби е надарено. Слично на тоа, малите генијалци би можеле да покажат различни особини бидејќи ниту една личност не е сосема иста како другата, пренесува WebMD.
Некои знаци кои се вообичаени кај надарените деца вклучуваат:
- Интензивна потреба за ментална стимулација и ангажирање
- Способност за брзо учење нови теми
- Способност за брза обработка на нови и сложени информации
- Желба за детално истражување на одредени теми
- Ненаситна љубопитност придружена со многу прашања
- Емпатија и чувствителност
- Возбуда за уникатни теми или интереси
- Единствена смисла за хумор.
