Ако често фантазирате дека вашето дете ве слуша малку подобро, дека се однесува подобро, можеби овие совети би можеле да ви помогнат. Експертот за родителство Рим Роуда истакнува дека заканите со последици обично не се многу корисни кога има работа со луто дете.
Таа издвојува пет фрази што родителите често ги користат, а кои се причината зошто децата не ги слушаат, бидејќи тие кај нив го активираат „бори се или бегај“ одговорот во телото. Значи, еве ги фразите што не треба да му ги кажувате на вашето дете ако сакате да се однесува подобро и да ве слуша:
- Затоа што јас така велам!
Роуд истакнува дека оваа фраза, која родителите кај нас ја користат релативно често, всушност ја прекинува комуникацијата и ги учи децата на „слепа послушност“. Наместо тоа, треба да кажете: „Знам дека не ти се допаѓа оваа одлука. Ќе ти објаснам, а потоа ќе продолжиме понатаму“.
Таа објаснува дека со користење на овој различен пристап и со објаснување на детето за некои од вашите одлуки или поставените ограничувања, детето се чувствува попочитувано, особено затоа што на овој начин ги признавате неговите чувства.
Исто така, избегнувате дискусија и преговори, но наметнувајте во вашиот авторитет на смирен и разумен начин.
- Ако не го послушаш ова, ќе го изгубиш тоа
Одземањето на привилегиите не е најдобриот начин да се поправи однесувањето на детето, вели експертката, додавајќи дека наместо тоа обидете се со ова: „Кога ќе бидеш подготвен/а да направиш (некоја одредена активност), можеме да направиме (некоја посакувана активност)“.
Роуда истакнува дека заканите со последици кај децата „вклучуваат одбранбени механизми“, што само води до конфликт. Од друга страна, оваа реченица што таа ја предлага спречува расправија, но сепак цврсто ја држи поставената граница.
- Престани да плачеш, сè е во ред
Роуда предлага да не им кажувате на вашите деца реченици како: „Престани да плачеш. Добро си, сè е во ред“. Наместо тоа, нејзиниот совет е да му кажете на вашето малечко: „Гледам дека си навистина вознемирено. Кажи ми што се случува“.
Таа истакнува дека никогаш не треба да ги отфрлате емоциите на децата бидејќи тоа може да ги научи дека нивните чувства се „погрешни“ или „премногу“ за некои луѓе да ги поднесат.
„Занемарувањето, односно откажувањето на емоциите води до исклучување“, а кога децата се чувствуваат исклучени, веројатно нема да се однесуваат добро. Затоа секогаш треба да го слушате детето, бидејќи тоа ќе му помогне побрзо да се смири и ќе помогне во градењето доверба, потенцира таа.
- Колку пати морам да ти кажам?!
Наместо да им кажувате на децата да направат нешто сто пати, Роуда советува да го преформулирате: „Те прашав за тоа неколку пати, помогни ми да разберам зошто ти е толку тешко“. На овој начин, ќе го поттикнете решавањето на проблемите наместо обвинувањето, а ова брзо ќе стигне до коренот на проблемот.
- Знаеш ти подобро од тоа
Конечно, треба да избегнувате да кажете „знаеш подобро од тоа“ ако можете, и наместо тоа прашајте: „Има нешто што те спречува да се покажеш во најдобро светло во моментов. Ајде да разговараме за тоа.“ Ако му ја кажувате често на вашето дете оваа фраза, „знаеш подобро од тоа“, тоа веројатно ќе се чувствува засрамено.
Од друга страна, фразата предложена од Роуда го менува тонот од казна во партнерство.
Општо земено, експертката истакнува дека е многу поверојатно децата да сакаат да се однесуваат добро ако се чувствуваат емоционално безбедно и почитувано. Таа додава дека секој пркос може да се смета за „повик за поврзување“ или емоционална поддршка, а родителите треба да одговорат со емпатија и лидерство, наместо со контрола.
