На децата им е потребна здрава доза на самодоверба, со цел да ги надминат сите животни предизвици. Самодовребата ќе им овозможи да донесуваат сопствени одлуки и исправни животни избори. Ова станува многу значајно во тинејџерскиот период, кога притисокот на околината и предизвиците стануваат поизразени.
Подмитување
“Ако ја средиш собата, ќе добиеш џепарлак“
Наградувањето на детето е во ред, но избегнувајте подмитување. Детето во најраната возраст треба да научи да извршува некои обврски, како што е средување на својата соба и тоа како одговорен челн на семејството, а не затоа што некој го плаќа за тоа. Охрабрете го да превземе одговорност за задачите кои може да ги извршува, така да тоа стане вообичаено. Многу е полесно, отколку подоцна да го навикнувате на обврски. На пример, дете од 3 години, само може да си ги собере боичките и листовите на кои цртало.
Закани
“Ако не ја средиш собата, денес нема надвор“
Заканите не се ништо подобри од подмитувањето. Ќе се случи да не го исполните она за кое сте се заканиле, и од тој момент детето ќе смета на тоа дека може да извлече. Значи, ако му се заканите на детето со казна, морате да ја исполните до крај. Во споротивно, ниту една закана подоцна нема да има никаков ефект.
Критикување
“Тоа не се прави така“
Иако родителите му укажуваат на грешките на децата со најдобра намера, тие тоа го доживуваат како критика. Обидете се по позитивни забелешки на детето да му го подигнете нивото на самодовреба. Трудете се да го истакнете и да го коментирате она што детето го прави добро.
Префрлање на топката
“Чекај да видиш кога ќе дојде татко ти“
Детето има поинакво чувство за време од возрасните. Периодот од два часа му изгледа како далечна иднина и не го поврзува со она што веќе го направило. Ако треба да го казните, спроведете го тоа веднаш.
Неискрени пофалби
“Тоа си го направил одлично. Ти си многу паметно дете“
На децата никогаш не треба да им се даваат лажни комплименти. И најмалите деца чувствуваат неискреност и ќе изгубат доверба во вас. Потрудете се детето да го пофалите за нешто што е вредно за пофалба. Сигурно ќе има ефект да го пофалите за добри оценки во училиште, ако тоа се потрудило. Со тоа ќе му оддадете признание за успехот ии ќе ја подигнете неговата самодоверба.
