Популарните перници за бебиња кои првенствено се дизајнирани со цел да и дадат совршена форма на главата на бебето и на тој начин да го спречат појавувањето или понатамошниот развој на синдром на рамна глава треба веднаш да се исфрлат од употреба, предупредуваат од американската Агенција за храна и лекови (ФДА).
„Употребата на перници за обликување на главата може да создаде небезбедна средина за спиење на доенчињата, и на тој начин да придонесе за ризик од задушување и смрт“, пишува во последното соопштение на ФДА. Експертите нагласуваат дека овие производи не се стручно одобрени и можат да го зголемат ризикот од смрт на доенчињата. Иако за нив се тврди дека се безопасни, безбедноста и ефикасноста на перниците против рамна или „залежана“ глава кај бебињата не се потврдени, пренесува „Њујорк Пост“.
Ако родителите се загрижени за обликот на главата на нивното дете, треба да се консултираат со педијатар, но експертите предупредуваат дека треба да имаат на ум дека во повеќето случаи синдромот на рамна глава ќе исчезне сам додека детето расте и неговата глава се развива
Иако за нив се тврди дека се безопасни, безбедноста и ефикасноста на перниците против рамна или „залежана“ глава кај бебињата не се потврдени
Американската агенцијата за храна и лекови нагласува дека перниците за обликување на главата не се дизајнирани за превенција или лекување на позиционата плагиоцефалија или деформациската плагиоцефалија, позната и како синдром на рамна глава. Напротив, перниците може да ги изложат бебињата на ризик од ненадејна неочекувана смрт на доенчиња, вклучувајќи го синдромот на ненадејна смрт на доенчиња или задушување и смрт, предупредува Агенцијата.
Исто така, експертите ги советуваат сите родители и старатели да ги фрлат овие перници, и ни случајно да не ги подаруваат. Според нивните совети, како и советите на многу педијатри, доенчињата треба да спијат на грб во креветче на рамна површина без перници, играчки, меки предмети или недоволно затегната постелнина.
Ако родителите се загрижени за обликот на главата на нивното дете, треба да се консултираат со педијатар, но експертите предупредуваат дека треба да имаат на ум дека во повеќето случаи синдромот на рамна глава ќе исчезне сам додека детето расте и неговата глава се развива.
