Раѓањето на дете е секогаш чудо
Јана Бразил е фотографка со седиште во Бразил, која е специјализирана за фотографии во моментот на раѓање на бебињата. Зад себе има безброј фотосесии, но една ќе остане засекогаш во нејзината меморија.
Бебето во ова особено раѓање, Ноа Валаско, е родено во болницата „Praia da Costa“ со царски рез. „En-caul“ раѓањето е феномен при што детето се раѓа сè уште целосно во амнионската кесичка. Тоа е толку ретко, што се случува само еднаш на секои 80.000 раѓања на деца. Јана имаше неверојатна среќа да биде сведок на тоа, а нејзините фотографии од ова исклучително раѓање, кое се случи речиси пред една година, се уште го обиколуваат светот.
Некои коментираа дека за време на раѓањето бебето изгледало како вонземјанин, но тоа што е во амнионска кесичка е сосема безопасно. „En caul“ раѓањето со царски рез е уште поретко и од спонтаното породување, бидејќи скалпелот обично ја сече кесичката. Ова го прави раѓањето на Ноа многу посебно.
