Габор Мате е познат како автор на бројни бестселери за трауми и излекување и многу често зборува за тоа на кој начин родителите можат да го зачуваат сопственото и емоционалното здравје на своите деца.
„Да сум јас сега нов родител, не би им дозволил на моите деца да пријдат до социјални мрежи многу, многу години. Не би им дозволил ни да гледаат во екран освен, можеби, во мое присуство, додека разговараат со бабите и дедовците преку Зум. Не би им дал мобилен телефон во раце. Не би дозволил никакви игри на екран“, категоричен е Мате, инаку доктор по општа семејна пракса.
Тој се противи на екрани на рана возраст и тврди дека на децата им е потребна вистинска игра.
„Децата мора да си играат. Слободната, спонтана игра во природа е еволутивно одредена потреба на детето. Исто така, овие уреди не само што создаваат зависност, тие се дизајнирани да создаваат зависност. И ако го скенирате мозокот на 3 или 4-годишни деца кои поминуваат многу време пред екран, ќе видите оштетување на мозокот“.
Мате не зборува само за тоа што се случува кога на децата во раце ќе им дадеме екрани, туку и како тоа влијае на нив ако сме премногу фокусирани на дигиталните технологии.
„И сигурно не би седел покрај децата гледајќи во телефонот. Дали навистина сакате да им испратите порака дека оваа работа е поважна од нив. Затоа што тоа е пораката што им ја испраќате“, тврди Габор Мате.
