Истражувачи од “Nationwide Children’s Hospital” во Охајо следеле 125 предвреме родени бебиња, како и бебиња кои биле родени во полн термин за да увидат како реагираат на нежен допир и откриле важни податоци за новороденчињата.
Предвреме родените деца имале поголема веројатност за намален одговор на допир, отколку бебињата родени во термин. Исто така, предвреме родените деца, а кои биле повеќе изложени на болни медицински постапки, имале поголема веројатност за намален одговор на допир.
Резултатите биле изненадувачки. Предвреме родените бебиња кои имале поголема количина на нежни допири, всушност посилно реагирале на допир, во споредба со предвреме родените бебиња кои не биле така често галени и изложени на допир.
Главниот истражувач, д-р Натали Маитре вели дека со тоа се докажува дека нежните допири всушност може да помогнат во развојот на мозокот.
Во случаевите кога родителите не можеле да бидат до своето дете и да му пружаат нежност, болниците би требало да едуцираат персонал за важноста на допирот, како би му пружиле на бебето нежност која ќе му помогне во развојот на мозокот.
