Бременоста е прекрасно и посебно искуство за секоја жена, но некои појави кои се јавуваат во текот на бременоста знаат да бидат многу непријатни. Имено, секоја трудница уште од зачнувањето поминува низ големи промени, како физички така и психички. Освен вообичаените симптоми на бременоста како што се мачнина, емотивност или замор, постојат и други непријатни симптоми.
Повеќето трудници за време на бременоста добиваат хемороиди, што е последица на запек. Правилната исхрана и добрата хидратација можат да помогнат кај овој проблем
Гасови
Многу трудници во бременоста имаат проблеми со гасови и надуеност, а како што објаснуваат гинеколозите, за тоа можеме да ги обвиниме хормоните. Имено, во текот на бременоста имаме многу повисоки нивоа на прогестерон, хормон кој го опушта глаткото мускулно ткиво низ телото, вклучувајќи ја и матката и гастроинтестиналниот тракт. Ова опуштање ги успорува дигестивните процеси, што, меѓу другото, може да доведе до гасови и надуеност, како и подждригнување.
Често мокрење
Честото мокрење е еден од најраните и најчестите несакани ефекти на бременоста, а во повеќето случаи може да трае се до породувањето. Хормоналните промени предизвикуваат побрз проток на крв во бубрезите, со што почесто се полни мочниот меур. Подоцна во бременоста, мокрењето е почесто бидејќи растечката матка врши притисок врз нашиот мочен меур.
Појачан раст на влакна
Поради хормоналните промени, на бремените жени им растат влакна на несакани места како што се лицето, градите, стомакот или грбот. Иако многу трудници се чувствуваат непријатно поради оваа појава, зголемениот раст на влакната исчезнува по породувањето.
Проблеми со кожата
Поради зголемената работа на хормоните, во третиот месец од бременоста жените почнуваат да се соочуваат со кожни проблеми како што се мозолчиња, митесери и акни. Исто така, кај некои трудници се јавува непријатно чешање, што во ретки случаи може да биде знак за колестаза.
Хемороиди
Повеќето трудници за време на бременоста добиваат хемороиди, што е последица на запек. Правилната исхрана и добрата хидратација можат да помогнат кај овој проблем. Исто така, лекарите тврдат дека хемороидите можат да се појават и како резултат на тешко породување.
Крвавење на непцата
Повеќето трудници ќе забележат дека нивните непца станале отечени и чувствителни за време на бременоста, а неретко може и да крвават. Причина за тоа се хормоналните промени кои во текот на бременоста ги прават нашите непца почувствителни на бактериите во наслагите кои се насобираат на нашите заби. Друго име за оваа состојба е труднички гингивитис.
