Ако сте помислиле дека само вашето дете негодува кога ќе му понудите домат, краставица, грашок или боранија, издишете. Не е до детето. Децата главно имаат аверзија кон зеленчукот, за што е одговорен генот TAS2R38, покажала најнова студија.
Истражувањето открило дека всушност се работи за одбојност на децата кон горчливиот вкус, која се развива во понатамошното неприфаќање на зеленчукот. Истовремено, децата се раѓаат со повеќе од 10.000 рецептори за вкус, т.н. папули за вкус, а како времето минува нивниот број се намалува на 3.000.
Тоа значи дека децата го чувствуваат поинтензивниот вкус на зеленчук и останати горчливии намирници од возрасните, што е објаснување зошто не уживаат во зеленчукот, туку повеќе би јаделе нешто слатко.
Со текот на годините, бројот на рецепторите за вкус се намалува, поради што луѓето почнуваат да обожаваат намирници од кои како помали бегале.
