Често можеме да слушнеме дека јазикот открива потенцијални здравствени состојби, од кои некои можат да бидат опасни, па затоа е неопходно навреме да се препознаат. Една од промените што често се случува е таканаречениот географски јазик, а точната причина се уште не е позната. Најчесто се јавува кај деца до четири години, а се јавува двојно почесто кај девојчињата отколку кај момчињата. Но, како да се препознае географскиот јазик и што воопшто значи тој?
Географскиот јазик е воспалителна, но безопасна состојба која ја зафаќа површината на јазикот. Според клиниката „Мајо“, јазикот обично е покриен со ситни, розево-бели испакнатини (папили). Кај децата со географски јазик, на дамките на површината на јазикот им недостасуваат папили и се појавуваат како мазни, црвени островчиња, често со благо подигнати рабови. Изгледа како географска карта, од каде што и доаѓа ова име.
Децата во повеќето случаи немаат никакви симптоми, иако понекогаш може да се жалат на зголемена чувствителност кога јадат топла, кисела или зачинета храна. Исто така, некои деца може да развијат рани во устата, болки во грлото и лош здив.
Географскиот јазик е воспалителна, но безопасна состојба која ја зафаќа површината на јазикот. Според клиниката „Мајо“, јазикот обично е покриен со ситни, розево-бели испакнатини (папили). Кај децата со географски јазик, на дамките на површината на јазикот им недостасуваат папили и се појавуваат како мазни, црвени островчиња, често со благо подигнати рабови. Изгледа како географска карта, од каде што и доаѓа ова име
Со оглед на тоа што географскиот јазик кај децата воопшто не изгледа убаво, родителите често се загрижени дека станува збор за симптом кој укажува на некоја посериозна болест. Сепак, тоа не е точно бидејќи географскиот јазик е сосема безопасна состојба која сама поминува по одредено време, без потреба од терапија.
