Германскиот генетичар проф. д-р Волфрам Хен изјави за „Билд“ дека „на антиваксерите не треба да им се дозволи пристап до респиратори доколку се разболат тешко од коронавирус“.
Генетичарот од Универзитетот Сарланд и член на Етичкиот совет на германската федерална влада ги коментираше ставовите на оние кои се против вакцината и не сакаат да се вакцинираат под никакви околности
Проф. Хен смета дека на антиваксерите треба да им се скрати можноста за лекување на интензивна нега доколку се разболат од COVID-19, и дека треба да носат со себе картичка на која пишува дека не сакаат да се вакцинираат.
Генетичарот од Универзитетот Сарланд и член на Етичкиот совет на германската федерална влада ги коментираше ставовите на оние кои се против вакцината и не сакаат да се вакцинираат под никакви околности.
„Кој сака да одбие вакцинација, би требало, молам, исто така секогаш да носи документ со себе на кој пишува: „Не сакам да се вакцинирам!“, изјави за „Билд“ проф. Волфрам Хен. „Сакам да им ја препуштам заштитата од болеста на другите! Сакам, ако се разболам, креветот на интензивна нега и респираторот да им ги оставам на другите“.
Хен ги критикуваше теоретичарите на заговори и антиваксерите и рече дека луѓето треба да се потпрат на советите на „оние кои навистина си ја знаат својата работа“.
„Итно препорачувам овие „алармисти“ да одат во најблиската болница и да ги претстават своите теории на заговор пред лекарите и медицинските сестри кои штотуку дојдоа од пренатрупаната единица за интензивна нега целосно исцрпени“, додаде тој.
Вакцината на „Фајзер“ и „Бионтек“ е одобрена во Германија, а вакцинацијата треба да почне на 27 декември. Д-р Хен вели дека брзината со која е развиена вакцината не треба да нè загрижува.
„За 40.000 волонтери порано беа потребни десет години. Овде се се случи преку ноќ затоа што луѓето сакаа да бидат дел од создавањето на нова иднина. Ниту еден од производителите на вакцини не штедеше на квалитет“, објасни проф. Хен.
