-
Луѓето со Ковид-19 сега пријавуваат главоболка и болка во грлото како најчести симптоми на болеста
-
Истражувачите сметаат дека индискиот сој може да е виновен за исфрлањето на кашлицата од првото место на симптоми
-
Инфицираните помлади луѓе сега покажуваат поблаги симптоми, слични на настинка
♦♦♦♦♦♦♦
Главоболка, болки во грлото и течење на носот сега се најчесто пријавувани симптоми на Ковид-19, велат научниците.
Шефовите на NHS признаваат само три знаци на вирусот – температура, нова континуирана кашлица и губење на вкус и мирис. Но, научниците од лондонскиот Кралски колеџ, кои водат проект за надзор на коронавирусите, велат дека болеста „сега се однесува поинаку“.
Научниците веруваат дека индиската варијанта Делта, која се шири забрзано од почетокот на мај, може да стои зад промената на симптомите. Исто така, може и да е до тоа што доколку помладите луѓе се заразат имаат поголема веројатност за лесна форма на болеста.
Болеста се однесува поинаку: Главоболката и болката во грлото сега се најчестите симптоми на Ковид-19, тврди нова студија
Водечкиот истражувач Тим Спектор, професор по генетска епидемиологија на Кралскиот колеџ во Лондон, рече дека луѓето треба да се тестираат ако мислат дека имаат настинка за да го спречат секое потенцијално ширење на Ковид-19.
Научниците ги следеа симптомите на вирусот преку апликација наречена ZOE што беше лансирана минатиот март. Тоа е најголемата студија за следење на симптомите во земјата.
Податоците анализирани од апликацијата ЗОЕ покажале дека кашлицата била најчестиот симптом на почетокот на пандемијата, со 46 проценти од заразените пациенти. Но, сега овој симптом е надминат од главоболката (66 проценти), болки во грлото (53 проценти), течење на носот (49 проценти) и треска (42 проценти) кај лица на возраст под 40 години, додека кај лица над 40-годишна возраст апликацијата покажала слични резултати, тврди професорот Спектор.
Помалку луѓе пријавуваат дека го изгубиле чувството за вкус или се мали, а аносмијата веќе не е во првите 10 најчести симптоми.
Професорот Спектор за „Телеграф“ изјави: „Луѓето не го сфаќаат ова, и може да мислат дека добиле некаква сезонска настинка и сè уште да излегуваат на забави и може да го шират вирусот наоколу.“
„Од почетокот на мај ги разгледувавме најчестите симптомите и тие не се исти како што беа. Број еден е главоболката проследена со болки во грлото, течење на носот и треска. Сите тие не се старите класични симптоми, кашлицата е број пет, и веќе не го гледаме симптомот на губење на мирис во топ 10.“
„Се чини дека оваа варијанта работи малку поинаку“.
Во февруари, над 140 матични лекари му пишаа на главниот медицински директор Крис Вити, повикувајќи ја владата да додаде повеќе симптоми слични на настинка на официјалниот список, пишува „Дејли мејл“.
