♦♦♦♦♦♦♦
„Во текот на првата недела од 2020 година (30.12.2019–05.01.2020), пријавени се 207 случаи со заболувања слични на грип, што е зголемување за 31,0% во споредба со минатата недела“, информираат од Институтот за јавно здравје.
Најголем број случаи се пријавени во возрасната група од 15-64 години – 614 (59,3%), а највисока кумулативна инциденца од 121,4/100.000 се регистрира кај децата на возраст од 0-4 години. Најголем број случаи и највисока инциденца се од подрачјето на ЦЈЗ Струмица.
Епидемиолозите препорачуваат да се одбегнува подолг престој во затворени простории и контакт со болни лица
Пријавената инциденца е под неделната граница на сезонската активност на вирусот на грип (I=36,4/100.000), односно сѐ уште не е достигнат прагот на влез во сезоната на грип. Епидемиолозите препорачуваат да се одбегнува подолг престој во затворени простории и контакт со болни лица.
Во сезоната 2019/2020, вкупниот број на случаи на грип/ заболувања слични на грип изнесува 1.035 (I=50,0/100.000)
Вакцинацијата против сезонски грип е најефикасна заштита од ова заболување. Институтот за јавно здравје препорачува вакцинација на целото население, особено на лица кои припаѓаат на т.н. ризични групи (согласно препораките на СЗО): постарите лица (над 65 години), деца на возраст од 6-59 месеци, лица постари од 6 месеци со хронични болести, бремени жени и здравствени работници.
