Ѓумбирот е билка која оддамна се користи и во кулинарството, и во терапевтски цели. На јадењата им дава луткаст вкус, а го јакне имунитетот на организмот. Се повеќе е присутен во терапиите кај трудниците, кои страдаат од мачнини и повраќање.
Ѓумбирот е ефикасен третман за утринските мачнини, но со сигурност не може да се каже колкава е количината што треба да се примени, какви проблеми може да се јават ако се консумира заедно со други лекови и кои се последиците од прекумерната доза.
Свеж ѓумбир
Консумирањето на свеж ѓумбир во бременоста е безбедно, но мора да се внимава на поголемиот внес на додатоци од сув корен на ѓумбир. Ѓумбирот најчесто се консумира во форма на чај и како зачин,па ризикот од претерана количина всушност и не е голем.
- Го контролира нивото на холестерол за време на бременоста
- Има клучна улога во одржувањето на нивото на глукоза во крвта
- Го поддржува телото при апсорпција на хранливи состојки и му обезбедува на плодот во утробата неопходни нутриенти
- Ги неутрализира дигестивните проблеми и надуеноста
- Ги ублажува болките, особено болките во грбот
- Го подобрува обезбедувањето на железо и витамин Ц и го подобрува имуниот систем на нероденото бебе
- Го подобрува снабдувањето со крв кај нероденото бебе, и ја штити крвта на мајката
- Помага во лекувањето на настинки и други помали заболувања, ја смирува кашлицата
- Помага во одржувањето на високото ниво на енергија. Лечи замор и исцрпеност и ги опушта мускулите
- Ги смирува киселините во бременоста
- Ѓумбирот е природно противвоспалително средство за намалување на отоците и воспаленијата за време на бременоста
- Го загрева телото и го зајакнува либидото
Не се препорачува бремените жени да консумираат сушен ѓумбир без претходно да се советуваат со лекар. Поголеми концентрации на сушен ѓумбир може да предизвика спонтан абортус. Особено треба да се внимава во првите три месеци од бременоста, кога е присутна слабост и мачнина. Без страв може да се консумираат кандирани форми на ѓумбир, како и свеж ѓумбир, но најсигурно е ѓумбирот да се внесува како чај.
Ако бремените жени пијат лекови кои спречуваат згрутчување на крв или за намалување на крвниот притисок, не би смееле да консумираат ѓумбир. Жените кои имале вагинални крварења, кои често чувствуваат вртоглавица, оние кои претходно имале спонтан абортус, или имаат пореметувања со згрутчувањето на крвта, не смеат да консумират ѓумбир. Дијабетичарките исто така би требало да го избегнуваат ѓумбирот, бидејќи го намалува шеќерот во крвта.
