Истражување на една британска организација за грижа за деца, покажало дека на родителите главен поттикнувач на стрес им е хаосот во домот, кој тешко може да се избегне кога децата се многу мали. Недоволната количина на сон и непроспиените ноќи се следни на тригер листата за родителски стрес, додека по нив следи грижата околу пронаоѓањето соодветна градинка или лице за чување на детето.
Во анкетата учествувале над 4.000 родители од двата пола и речиси половина од нив признале дека нивното ментално здравје во некој момент влијаело на односот кон децата. Поголем проблем од однесувањето на децата, за 60% од родителите претставувал хаосот во куќата, и тоа повеќе ги загрижувало повеќе и од можноста детето да залута во некој метеж на јавно место.
За 55% од родителите кои учествувале во истражувањето, хроничната ненаспиеност била најголем извор на стрес, додека 30% се грижеле околу тоа дали ќе најдат соодветна грижа за детето по породилното остсуство, било да е тоа градинка или бебистер.
Овие податоци се поклопуваат со статистиката на Фондацијата за ментално здравје во Велика Британија, која вели дека 68% од жените и 57% од мажите кои имаат проблеми со менталното здравје, имаат деца.
