Херпес зостер, како состојба или болест ја предизвикува вирусот на варичела, истиот оној вирус кој ги предизвикува и овчите сипаници. Овој вирус има една непријатна особина – се крие во организмот каде може со години да “спие“, а кога ќе се разбуди настанува херпес зостер.
Како здраво дете може да добие херпес зостер?
Варичелата остава доживотен имунитет, но дел од вирусот се “крие“ од имуниот (одбранбениот) систем на детето и чека можност да се разбуди. Кога варичелата ќе се прележи, вирусот трајно се вселува во организмот и доколку дојде до пат на имунитетот по болест, траума, стрес повторно се активира и предизвикува појава на херпес зостер.
Карактеристични се промени на кожата кои најчесто се јавуваат на една од страните на трупот, иако освен таму, може да се јават и на главата, лицето и на екстремитетите. Пред кожната промена, пацеиентот има чувство на болка, печење или чешање на местото каде исипот ќе избие. Тоа може да трае од два до четири дена. После тоа, доаѓа до појава на исип, односно појава на црвенило, а потоа и водени мозолчиња – меручиња кои се гроздесто распоредени на црвени островчиња на дел од кожата која инервира нерв по која ‘патува“вирусот.
