Дерматолозите предупредуваат дека родителите го ставаат здравјето на своите мали деца во сериозна опасност со изложување на токсични козметички производи кои се поврзуваат со рак.
Меѓу најштетните се лакот за нокти, парфемите и бронзерот – сите овие производи биле користени кај деца стари само шест месеци, открива студија.
Овие производи често содржат силни хемикалии како парабени, фталати и синтетички парфеми, кои можат да предизвикаат алергиски реакции и да ја нарушат природната хормонална рамнотежа во телото.
Кај бебиња на само шест месеци се користат сенки за очи, пудра и сјај за усни, додека девојчињата започнуваат да ја фарбаат косата на само шест години
Студијата, која анализирала повеќе од 60 деца примени во болницата Ninewell во Данди минатата година, заклучила дека децата се изложуваат на козметички производи на помала возраст од кога било претходно.
Иако сите прегледи биле за други медицински причини, кај една третина од децата била откриена реакција на козметички производ нанесен на нивната кожа.
Д-р Шаризан Абдул Гафар, главен автор на студијата и дерматолог во NHS Tayside, за „The Times“ изјавил: „Се соочуваме со сè повеќе случаи на алергиски контактeн дерматитис, што е црвена реакција на кожата кај децата кои доаѓаат на тестирања за алергии, кожа која чеша, а понекогаш има и меурчиња.“
„Студијата дефинитивно ја поддржува теоријата дека ова се должи на зголемената употреба на козметички производи кај децата.“
Додека контактниот дерматитис, вид на егзема предизвикана од допир со одредена супстанца, обично се појавува поради употреба на сапун и често поминува сама, алергискиот контактeн дерматитис е многу посериозен.
Гел-ноктите содржат хемикалии наречени акрилати и метакрилати, кои предизвикуваат голем број алергиски кожни реакции кај тинејџерите и младите. Апсолутно е лудо да се нанесуваат кај деца, предупредуваат дерматолозите
Изложеноста на алерген може да предизвика прекумерна реакција на имунолошкиот систем, што доведува до осип кој мора да се лекува со стероиди.
Во еден шокантен случај, откриена е „рутината за убавина“ на едногодишно девојче која вклучувала лажен тен, акрилни гел-нокти, „печени“ со УВ-лампа, белење на косата, средства за отстранување влакна, кармин и парфем.
Кај бебиња на само шест месеци се користат сенки за очи, пудра и сјај за усни, додека девојчињата започнуваат да ја фарбаат косата на само шест години.
Сега дерматолозите бараат построги регулативи за козметичките производи, велејќи дека е „апсолутно лудило“ децата да бидат изложени на овие токсини од толку мала возраст.
Д-р Дирдри Бакли од Британското здружение на дерматолози изјави: „Постојат производи за лична хигиена кои мора да се користат кај многу мали деца, како паста за заби и шампон, но нема никаква причина тие да доаѓаат во контакт со шминка, боја за коса, парфем и лак за нокти.“
Реагирајќи на наодите презентирани овој месец на годишниот состанок на Здружението во Глазгов, таа додаде: „Гел-ноктите содржат хемикалии наречени акрилати и метакрилати, кои предизвикуваат голем број алергиски кожни реакции кај тинејџерите и младите. Апсолутно е лудо да се нанесуваат кај деца.“
Бидејќи бебињата имаат потенка кожа од возрасните, таа полесно апсорбира супстанции, што ги прави поподложни на алергиски реакции отколку возрасните.
Додека кремите против стареење, маникирите и парфемите порано беа симбол на зрелост, а девојчињата со нетрпение го очекуваа денот кога ќе можат да стават шминка, сега тие се изложени на овие производи на многу помала возраст, предупредува д-р Бакли.
„Сега, за жал, дерматолозите можеби ќе мора да почнат да вклучуваат хемикалии од овие производи за возрасни во нивните тестови при истражување на контактeн дерматитис кај мали деца.“
Ова доаѓа во момент кога нови загрижувачки истражувања ги поврзуваат синтетичките хемикалии со негативни здравствени состојби, вклучително и рак на дојка. Истражувачите од Breast Cancer UK велат дека иако ниските нивоа на овие производи можеби се безбедни поединечно, тие можат да ослободат хемикалии кои го нарушуваат ендокриниот систем (EDCs) кога се користат заедно.
Овие хемикалии го нарушуваат природниот хормонален баланс на телото, предизвикувајќи девојчињата да добијат прва менструација загрижувачки рано, што го зголемува ризикот од рак на дојка.
Во некои случаи, девојчиња почнуваат да добиваат менструација на само шест години.
Хуманитарната организација проценува дека просечната жена е изложена на повеќе од 150 потенцијално штетни хемикалии дневно како дел од својата рутина за убавина. Со тоа што девојчињата се изложени на сè повеќе непотребни токсини уште од најрана возраст, експертите се загрижени дека младите девојчиња се доведуваат во опасност во потрагата по убавина, пишува „Њујорк тајмс“.
