Како детето расте, неговата желба и потреба за нова храна ќе биде се поголема и поголема. Но, поради опасности, не секој вид на храна е соодветна за деца на помала возраст.
Намирници кои треба да се избегнуваат:
Од 12 до 24 месеци:
Млеко со низок процент на масленост
На децата на оваа возраст им требаат мансотии и калории од полномасното млеко за раст и развој. Кога детето ќе наполни две години и ако нема никакви проблеми со здравјето, може да почнете да му давате млеко со помала масленост (ако детето е склоно на дебелеење, лекарот може да препорача да се почне и порано).
Опасност од гушење
- Големи парчиња: Парчиња храна може да застанат во грлото на детето. Американската академија на педијатри препорачува храната да се исече на помали парчиња, отприлика околу еден сантиметар.
- Сурово овошје: Морков, целер, брокула и сличен зеленчук, треба да се свари и да се исече на помали парчиња.
- Јаткасти плодови и семки: Семките од овошјето, како лубеница, праска, сливи, цреши треба да се извадат. Не му давајте на детето јаткасти плодови и семки од сончоглед и тиква. Мали се и може да останат во душникот, и да предизвикаат гушење или инфекција.
- Крцкава и тврда храна: Јаткасти плодови, пуканки, различни переци, тврди бомбони се опасни поради гушење.
- Леплива храна: Гуми за џвакање и леплива храна, како што се гумени или овошни бомбони, може да застанат во грлото на детето. Леплив и стопен кашкавал кој не е исечен на парчиња треба да се избегнува.
Од 24 до 48 месеци
Иако детето е пораснато и е многу посамостојно, треба се уште да бидете внимателни кога се во прашање големи парчиња храна. Додека детето јаде треба да биде фокусирано само на храната. Гледањето телевизија, одење, лежење или нешто слично на тоа, треба да се избегнува за да се намали опасноста.
Од 4 до 5 години
Вашето дете може самостојно да јаде, но се уште треба да бидете до него додека јаде некои видови намирници. Развијте навика кај детето додека јаде да биде насочено само кон храната.
АЛЕРГИЈА НА ХРАНА
Кога вашето дете ќе дојде до втората и третата година од животот, не е нужно со новите намирници да се запознава постепено, освен ако не е алергично на некоја храна. Ако детето има алергија, добро е да се направи неколку денови разлика помеѓу воведувањето на нови намирници.
